Nga Gazeta ‘Si’- Kryetarja e Kuvendit të Serbisë, Ana Bërnabiç, tha sot se presidenti Aleksandar Vuçiç është një njeri i përgjegjshëm dhe serioz dhe se do të bëjë çmos për të ruajtur paqen.
Ajo shtoi se ai kurrsesi nuk do t'ia dorëzojë popullin serb Kosovës.
“Është një situatë e vështirë, sigurisht e dhimbshme, është e vështirë ta shikosh, e lëre më të vuash që je pjesëtar i popullit serb në Kosovë e Metohi.
Diplomacia po bën punën e saj. Aleksandar Vuçiç po Lufton dhe së shpejti do ta dimë se çfarë do të bëjë”, tha Bërnabiç me rastin e njoftimit të djeshëm të Vuçiçit se shteti serb do të dalë me kërkesa dhe masa konkrete në 72 orët e ardhshme për shkak të arrestimeve të reja të serbëve në veri të Kosovës.
Ajo tha se “Prishtina çdo ditë po demonstron forcë në Kosovë dhe Metohi kundër popullit serb.”// Tanjug
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
