Pas Boateng dhe Balotelit, objektivi i radhës për Berluskonin dhe Galianin është Frenk Riberi. Futbollisti francez i Fiorentinës nuk ka në plan ta rinovojë kontratën që i skadon në qershor dhe sipas “France Football”, është gati të transferohet te Monca, nëse kjo skuadër ngjitet në Serinë A.
Riberi është i lirë të gjejë një skuadër të re të një niveli të lartë, në një kampionat elitar, pavarësisht se më 7 prill mbush 38 vjeç. Përtej ndonjë problemi fizik, paraqitja e tij me Fiorentinën ka qenë e mirë dhe më shumë se një rikthim në Gjermani, ai po sheh mundësinë për të qëndruar në Itali, por jo te Fiorentina.
Me anë të një ndërmjetësi, Galiani ka lëvizur dhe ka nisur kontaktet me futbollistin gjatë muajit janar. Ideja ishte që Riberi të kalonte direkt te skuadra e drejtuar nga Broki, por kjo mundësi ra poshtë. Por klubi i Berluskonit nuk heq dorë nga francezi veteran dhe për ta bindur kërkon të shfrytëzojë miqësinë që ai ka me Boateng. “Numri 7, si Riberi”, – ishte shprehur Boateng gjate prezantimit te Monca. Gjatë muajve të fundit edhe Flamini kishte shprehur interesin për të luajtur te Monca.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
