.png)
Nga Gazeta ‘Si’– Në mbledhjen e Grupit Parlamentar të PD, Sali Berisha tha se sipas tij nesër (9 prill) Kreu i Gjykatës së Lartë Sokol Sadushi do të paraqesë aktin për të liruar të paraburgosurit që qëndrojnë në qeli pa vendim të formës së prerë.
Kjo sipas Berishës po bëhet për të liruar Erion Veliajn dhe bosë të botës së krimit.
“Nesër Sadushi në një akt që kërcënon absolutisht sigurinë e Shqipërisë dhe vendet e rajonit, del me vendimin që ata që janë në paraburgim pa vendim të prerë të dalin. Ky është vendimi Veliaj, por nga ky vendim përfitojnë dhjetëra bosë të drogës. Është gjetur rruga e paqes mes klaneve mafioze”, tha Berisha.
Ditën e nesërme do të mblidhet Kolegji i Bashkuar i Gjykatës së Lartë, për të shqyrtuar çështje që lidhen me masën e sigurisë “arrest në burg”, mbledhje së cilës Berisha i referohet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje