.png)
Në një prononcim për mediat, Kryetari i PD-së, Sali Berisha, tha se do të mbështesë protestën e sotme të pedagogëve.
“Shpreh mbështetjen për pedagogët dhe studentët, që janë ngritur për kërkesat më elementare, për të drejtat më elementare. Për rroga, autonomi dhe kërkimet shkencore.
I kërkoj Edi Ramës të plotësojë me urgjencë kërkesat e universiteteve. Ajo nuk është grevë e PD, është grevë e sindikatave. Por PD si forcë që mbështet çdo kauzë të drejtë, do bëjë gjithçka për prevalimin dhe respektimin e të drejtave dhe kërkesave të tyre”, tha ai. Berisha njoftoi gjithashtu se PD po organizohet për protesta, duke iu referuar edhe takimit që ai zhvilloi me krerët e degëve të PD-së në Tiranë.
“PD po i përgatit protestat. Mbrëmë u bë mbledhja me të gjithë kryetarët e degëve dhe forumit rinor për Tiranën dhe u dhanë udhëzimet për një përgatitje intensive.
Do vazhdojnë takimet me partnerët, aleatët, me Frontin për Shpëtimin e Shqipërisë.
PD do jetë në protestë, në protestë, në protestë”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
