.png)
Gazeta Si – Kreu i PD, Sali Berisha ka dorëzuar në Gjykatën e Lartë një rekurs kundër shfuqizimit të masës së sigurisë “detyrim paraqitje” të caktuar nga Apeli i GJKKO, pasi u lirua nga “arresti shtëpiak” në nëntor të vitit të kaluar.
Berisha akuzohet për korrupsion pasiv në aferën e ashtuquajtur “Partizani”, për të cilën SPAK e ka marrë të pandehur. Prej 3 janarit, ai zbaton 2 herë në muaj masën “detyrim paraqitje”.
Ndërkohë, rekurs në Gjykatën e Lartë ka paraqitur edhe Jamarbër Malltezi, dhëndri i ish-kryeministrit, i cili kërkon të shfuqizojë vendimin e Apelit të Posaçëm, që la të pa ndryshuar masën e sigurisë “arrest në shtëpi” ndaj tij.
Kreu i Partisë Demokratike është në këtë masë që prej 3 janarit të këtij viti për çështjen penale të kompleksit “Partizani”. Ish-Kryeministri është marrë i pandehur për këtë çështje së bashku me dhëndrin e tij, Jamarbër Malltezi.
SPAK i komunikoi akuzën Sali Berishës në 24 shtator 2024, duke e marrë të pandehur. Akuza penale e ngritur ndaj tij është “korrupsionit pasiv të funksionarëve të lartë, kryer në bashkëpunim”, të cilën Berisha e konsideron si “hakmarrje politike të Ramës”.
Po ashtu, SPAK thotë se dhëndri i Berishë, Malltezi, ka përfituar 5.4 milionë euro gjatë këtyre procedurave, i favorizuar nga ish-kryeministri. Nën hetim për këtë rast është edhe biznesmeni Fatmir Bektashi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
