.png)
Nga Gazeta ‘Si’- Kreu i PD-së, Sali Berisha në fjalën e tij përpara gazetarëve, komentoi edhe arrestimin e ish-përfaqësueses së lartë të Bashkimit Europian, Federica Mogherini.
Berisha kërkoi nga Prokuroria e BE-së të hetonte e-mail dhe SMS që, sipas tij, kryeministri Edi Rama ka shkëmbyer me Federica Mogherini-n, për ndërtimin e Kampusit të Kolegjit Europian në Shqipëri.
Sipas tij, kryeministri Edi Rama dhe Mogherini, për interesa të tyre korruptive, kanë rritur koston e jetesës për studentët e Kolegjit të Europës.
“Mogherini dhe Edi Rama kanë rritur koston e jetesës për studentët e Kolegjit të Europës, për interesa korruptive. Në Bruksel, Prokuroria Publike Europiane dhe Prokuroria belge arrestuan Federica Mogherinin dhe bashkëpunëtorët e saj, pasi iu hoq imuniteti. Drejtësia nuk u pengua. Kurse në Shqipëri, pas kërcënimit direkt nga Ramaduro e prokurorit të Ballukut, bëri që të ketë presion ndaj drejtësisë. Kryeministria u kthye në avokati të Belinda Ballukut.
Rama është i përfshirë në afera korruptive. Ju bëj thirrje institucioneve europiane, që të hetojnë të gjitha e-mailet, mesazhet që Rama ka shkëmbyer me Mogherinin për ndërtimin e Kolegjit Europian në Tiranë dhe veçanërisht komunikimet me Sky Ecc, Matrix, që Rama i ka përdorur. Autoritetet europiane të hetojnë abuzimet e Edi Ramës dhe zyrtarëve të tij, në lidhje me abuzimet me fondet e BE-së. Opozita shqiptare është e gatshme të kontribuojë për zbulimin e skandaleve korruptive të qeverisë së Tiranës”, tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
