Sali Berisha nuk mund t’i shmangej pyetjes nga media mbi fjalimin që mbajti e bija për herë të parë në një Kuvend partie.
“Argita Malltezi mbajti një fjalim si shumë të tjerë aty. Argita Malltezi është një aktiviste e PD-së, që në ditët më të para të themelimit të saj, ka qenë studente.
Në këtë kontekst, ajo nuk është ndarë kurrë nga PD.
Ky është fjalimi i parë publik i saj në kuvendet e partisë, por kjo nuk do të thotë asgjë më shumë sesa një fjalim në të cilin shprehu si aktiviste e PD-së, mendimet e veta”, tha ai.
Ndërsa vetë e bija, Argita Malltezi, tha për mediat se fjalimi saj nuk lidhej me ambicie në politikë, por me situatën në të cilën ndodhet vendi.
“Gjithmonë kam qenë pjesë aktive e PD, por nuk kam ambicie për më shumë, sepse ketu nuk është cështja të kesh ambicie për më shumë, këtu është cështja të bësh ate që duhet të bësh, dhe thelbi e asaj qe une shpresoj shumë ta kem përcuar sot me fjalën time është se kushdo sot duhet të reagojë. Nëse ka një të keqe që vjen ajo është një e keqe që të vjen butësisht, qetësisht kur ti mendon se nuk duhet të reagosh sepse është një gjë e vogël dhe banale dmth për ditën tënde. Por, në fakt e keqja bëhet imponuese pikërisht kur ti e ke neglizhuar. Kjo ëhtë situata, flm. ”, tha ajo duke u larguar me buzën në gaz.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
