.png)
Gazeta Si – Ish-kreu i Autoritetit Rrugor Shqiptar (ARRSH), Evis Berberi, ka kërkuar këtë të enjte gjykim të shkurtuar në Gjykatën e Posaçme AntiKorrupsion.
Ish-zyrtari pretendon kthim sendesh, fshirje korrespondence, pa përdorshmërinë e të dhënave të marra nga telefoni. Në datën 9 dhjetor pritet shpallja e vendimit nga ana e GJKKO-së, nëse çështja kalon për gjykim.
Ish-kreu i ARRSH akuzohet për shkelje të barazisë në tendera, korrupsion dhe pastrim parash. Ai është nën hetim që prej marsit 2024, kohë kur edhe u arrestua.
Sipas Prokurorisë së Posaçme, shtetasi V.B., administrator i një kompanie, përfitoi tre tendera në kohën kur Berberi ishte Drejtor i Përgjithshëm për Eficencën e Energjisë me vlerë totale 137.4 milionë lekë dhe tre tendera të tjerë, me vlerë 101.8 milionë lekë në kohën kur drejtonte ARRSH-në.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
