Gazeta Si – Një 21 vjeçar ka rënë në pranga, ndërsa bashkëpuntori i tij është shpallur në kërkim pasi akuziohen për tre vdjedhje të matësve të ujit në Berat.
Policia gjithashtu ka proceduar penalisht dhe administratoren e pikës së grumbullimit të skrapit, L. V., 53 vjeçe, ku këta shtetas shisnin aparatet.
21 vjeçari R.L. u arrestua mdërsa, A. E., 37 vjeç, u shpall në kërkim me finalizimin e operacionit “Përsëritësi”.
Të dy personat ishin banues në Uznovë, Berat.
Nga hetimet e kryera dhe provat e grumbulluara, rezulton se shtetasit R. L. dhe A. E., në bashkëpunim me njëri-tjetrin, më datë 26.06.2022, kanë vjedhur aparatet matëse të konsumit të ujit, në 3 banesa të ndryshme.
Pasi i vidhnin aparatet matëse, këta shtetas i shisnin në një pikë të grumbullimit të skrapit, e cila ishte në administrim të shtetases L. V., 53 vjeçe.
Në cilësinë e provës materiale, shërbimet e Policisë sekuestruan disa nga sendet e vjedhura.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
