Në një formacion me yjet e Europës, si Gereth Bejl, Memfis Depai, Hakan Çalhanglu dhe Leon Goretzka, sa për të përmendur disa emra. Berat Gjimshiti është përzgjedhur në formacionin më të mirë nga “SofaScore”, një faqe e specializuar për vlerësimin e performancës së futbollistëve.
Përzgjedhja është bërë duke iu referuar paraqitjes së gjithë lojtarëve në ndeshjet e raundit të 5-të të kualifikueseve të Botërorit të Katarit. Gjimshiti bëri një ndeshje shumë të mirë ndaj Hungarisë, duke u vlerësuar me notën 7.9. Mbrojtësi kuqezi përbën repartin e prapavijës bashkë me Bjarnason të Islandës dhe Milenkoviç të Serbisë, ndërsa në portës është Somer i Zvicrës.
Pjesa tjetër e formacionit të përzgjedhur nga SofaScore kompletohet me Bejl, Goretzka, Çalhanoglu dhe Kostiç në mesfushë, ndërsa në sulm është treshja e përbërë nga Lingard i Anglisë, Depai i Holandës dhe Buksa i Polonisë, i cili realizoi edhe në portën e Berishës në Varshavë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
