Gazeta Si – Agjenti i lojtarit të Realit ka treguar në rrjetet sociale imazhet e dëmtimit të sulmuesit, rikuperimi i të cilit ishte parashikuar për në 1/8-at e Katar 2022. Por nuk ndodhi kështu dhe tashmë polemikat nuk kanë fund.
Ka një luftë të hapur mes Benzema edhe trajnerit Deshamp te Franca. Sidomos tani, pas publikimit të analizave të lojtarit nga ana e agjentit të tij. ‘Topi i Artë’ u dëmtua pak para se të niste Botërori dhe la grumbullimin.
Je pose ça là mais avant ça j’ai consulté 3 spécialistes qui confirment le diagnostic que @Benzema aurait pu être apte à partir des 1/8 éme pour au moins être sur le banc ! Pourquoi lui avoir demandé de partir si vite ? pic.twitter.com/wtOHhDeDVW
— Karim Djaziri (@KDjaziri) December 26, 2022
Karim Djaziri, agjenti i sulmuesit, shkruan: “Benzema mund të luante që në 1/8-at, pse i kërkove të largohej aq shpejt nga skuadra?” Ai i drejtohet trajnerit të Francës, Didier Deshamp, edhe pse nuk e përmend me emër.
Benzema së fundi ka njoftuar tërheqjen nga kombëtarja, me të cilën ka pasur një raport jo pak të vështirë. Vetë lojtari ka reaguar po në rrjetet sociale, duke komentuar imazhet e postuara nga agjenti i tij. “Sepse sapo e sheh, e di”, – ka shkruar Benzema.
Sipas llogarive të bëra nga vetë sulmuesi, ai mund të ishte gati që në ndeshjen e 1/8-ve, por u detyrua të linte grumbullimin, pavarësisht se emri i mbeti në listë. “Jam konsultuar me 3 specialistë dhe të gjithë kanë konfirmuar diagnozën, sipas së cilës Benzema Benzema të paktën mund të ishte në stol”, – ka shtuar agjenti.
Çështja ka kohë që ka shpërthyer dhe duket se nuk ka shanse të mbyllet. Flitet edhe për faktin se disa lojtarë të Francës, si Loris dhe Grizman, nuk e donin sulmuesin e Realit në skuadër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
