.png)
Presidenti i Shteteve të Bashkuara, Donald Trump, është shprehur se Bashkimi Europian mori vendimin e duhur që pezulloi kundër-tarifat ndaj SHBA-ve.
Sipas mediave të huaja, Trump tha se BE po trajtohet si një bllok i vetëm kur bëhet fjalë për tarifat dhe jo si vende individuale.
Trump tha se vlerëson BE-në që sipas tij është “shumë e ashpër, por shumë e zgjuar”, duke thënë se ata vendosën të “përmbahen pak” me hakmarrjen e tyre, pasi panë sesi Trump e trajtoi Kinën.
“Ata vendosën të përmbahen. Mendova se ishin shumë të zgjuar,” shtoi Trump.
Kujtojmë se ditën e djeshme Trump pezulloi tarifat e vendosura një javë më parë për shumë vende të botës dhe i zëvendësoi ato me një tarifë bazë 10 %.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
