Kompania farmaceutike britanike GlaxoSmithKline (GSK) ka njoftuar se ka marrë miratimin evropian për të tregtuar ilaçin e saj për kancerin endometrial.
Ilaçi Jemperli përdoret për të trajtuar pacientët me qeliza kanceroze në mitrën e tyre në kombinim me kimioterapinë.
“Komisioni Evropian (KE) ka dhënë autorizimin e tregtimit të Jemperli për trajtimin e pacientëve me kancer të avancuar endometrial të sapo diagnostikuar ose të përsëritur”, tha GSK në deklaratë për shtyp.
Ky vendim u bazua në një studim që tregon efektet pozitive të trajtimit.
Kanceri endometrial, që zakonisht prek gratë pas menopauzës, zhvillohet në pjesën e brendshme të mitrës, i njohur si endometrium. Është një nga kanceret më të zakonshme, me mbi 120,000 raste të reja çdo vit në Evropë.
Jemperli ishte i disponueshëm vetëm në Francë që nga tetori nën një program strikt, duke lejuar disa pacientë të marrin një trajtim që ende nuk ishte autorizuar zyrtarisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
