.png)
Nga Gazeta Si – Në raundin e 3, Bayern Munich dhe Hamburg përballen për të parën herë nga viti 2018, duke rikthyer një nga rivalitetet më të vjetra të futbollit gjerman.
Samiti i “Nord-Süd-Gipfel” ose i “Veri-Jug” – mes Bayern dhe Hamburg është një sfidë e ndërtuar mbi përkatësinë gjeografike.
Gjigandi tradicional gjerman përballë peshave të rënda nga Jugu. Në këndin e kuq është Bayern – kampioni i shumfishtë që në Gjermani dominon prej vitesh.
Në këndin blu është Hamburg – i 5 në klasifikimin e skuadrave më të suksesshme me 6 tituj të fituar.
Rivalitet që startoi nga fundi i viteve ’70 dhe vazhdoi deri në fillimet e viteve ’90 gjatë të cilave Bayern (7) dhe HSV (3) fituan 10 nga 12 titujt e mundshëm në periudhën 1979-1990.
Nga sezoni 1978/79 në atë 1982/83 – Hamburg mori 3 tituj – Bundesliga u fitua ekskluzivisht nga këto dy skuadra.
Në vitet e fundit, Bayern fitoi 9 nga 10 ndeshjet përballë Hamburg, duke shënuar 38 herë e pësuar vetëm 3 gola.
Fitorja e fundit e Hamburg ndaj Bayern vjen nga viti 2009 dhe 4 vizitat e fundit në “Allianz Arena” përfunduan në humbje të thella si: 6-0, 8-0, 5-0, 8-0.
Traineri i Bayern, Vincent Kompany, veshi fanellën e HSV nga viti 2006 në vitin 2008 dhe thotë: “Koha ime në Hamburg ishte e rëndësishme dhe e mrekullueshme.
Kam ende shumë miq atje. Ishte një shkollë e vështirë me Huub Stevens dhe Thomas Doll (drejtuesit e Hamburg)!”
Formacionet e mundshme:
Bayern: Neuer (c) – Laimer, Upamecano, Tah, Stanišić – Kimmich, Goretzka – Olise, Gnabry, Díaz – Kane
Mungojnë: Davies, Ito, Musiala
Në dyshim: Bischof
Trainer: Vincent Kompany
Hamburg: Heuer Fernandes – Omari, Elfadli, L. Vušković – Mikelbrencis, Remberg, Capaldo (c), Muheim – Vieira, Dompé – Königsdörffer
Mungojnë: Gocholeishvili, M. Vušković
Në dyshim: Hermann, Poulsen, Torunarigha
Trainer: Merlin Polzin
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
