.png)
Gazeta Si – Federata Shqiptare e Basketbollit ka dhënë trofetë e parë sezonalë në aktivitetin e Kupës së Federatës. Kanë triumfuar në finale Besëlidhja te meshkujt dhe Flamurtari te femrat.
Një ndeshje spektakolare ishte finalja e meshkujve mes Tiranës, skuadrës kampione në fuqi, dhe Besëlidhjes simpatike. Ka triumfuar në fund skuadra lezhjane, e drejtuar nga ish-trajenri i Kombëtares, Afrim Bilali, me rezultatin 100-86.
Për herë të dytë radhazi Besëlidhja ka fituar Kupën e Federatës, duke treguar se është një pretendente serioze edhe për titullin kampion këtë sezon.
Një ditë më parë Kupa e FSHB-së për femra është fituar nga Flamurtari, që mundi Partizanin me rezultatin e ngushtë, 72-70. Ishte një ndeshje shumë e bukur dhe e luftuar. Vajzat e drejtuara nga trajnerja Elona Hasanaj kanë shtuar edhe një trofe në palmaresin e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
