.png)
Nga e shkruara në Facebook, Enkelejd Alibeaj, ka kaluar në veprime konkrete kur paralajmëroi se pas vendimit të Apelit, ai do të shkëputet zyrtarisht nga grupi parlamentar i PD-së.
Të hënën në mëngjes në sekretariatin e Kuvendit është dorëzuar kërkesa për të qenë deputet i pavarur.
Pak ditë më parë, ai tha se nuk mund ti përkiste sojit politik të Berishës, e për pasojë do të shkëputej zyrtarisht nga grupi i PD-së.
Kërkesa e Alibeajt për të zyrtarizuar qëndrimet e tij shihet më shumë si mesazh ndaj Lulzim Bashës i cili sërish sot (e hënë) këmbënguli se nuk do të heqë dorë nga beteja ligjore për të rimarrë vulën e PD.
Basha tha se do ta çojë vulën deri në Strasburg ndërkohë që bashkëpunëtori i tij më i ngushtë, ndryshe nga ai, ka lënë qartazi të kuptohet se beteja duhet të jetë për një tjetër forcë politike, sa kohë zyrtarizoi është shkëputjen nga grupi.
Enkelejd Alibeaj ishte i pari gjithashtu që deklaroi pas vendimit te Apelit se do ta respektonte plotësisht vendimin e gjykatës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
