Rrugëtimi i Maqedonisë së Veriut në këtë edicion të Ligës së Kombeve nuk ka nisur në mënyrën më të mirë të mundshme, edhe pse përballë kishte një kundërshtar të kalueshëm në letër si Ishujt Faroe në grupin C4.
Në transfertën e sotme, Maqedonia është ndalur në një barazim 1-1, teksa i është dashur një gol i Enis Bardhit për të shmangur një humbje katastrofike.
Vendasit ishin të parët që kaluan në avantazh me anë të penalltisë së Davidsen që në minutën e 9 të sfidës.
Ndeshja më pas vazhdoi me raste nga të dy ekipet, që kërkuan me ngulm golin. Barazimi për Maqedoninë e Veriut do të vinte vetëm në pjesën e dytë, po nga pika e bardhë. Ishte pikërisht Bardhi ai i cili shënoi me penallti në minutën e 49-të të sfidës, për të vendosur baraspeshën.
Pavarësisht tentativave të të dy ekipeve për të shënuar, askush nuk ia doli të tundte më rrjetën, duke bërë që sfida e këtij grupi, pjesë e të cilit janë edhe Armenia e Letonia, të mbyllej në shifrat 1-1.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
