Grupi Parlamentar i Partisë Demokratike i drejtuar nga Gazment Bardhi i ka kërkuar Gjykatës Kushtetuese, që seancën (18 janar) për marrëveshjen e emigrantëve me Italinë, ta shqyrtojë në seancë të hapur për publikun.
Në shkresën drejtuar këtij institucioni, argumentohet fakti se seanca duhet të jetë e hapur për mediat dhe publikun, pasi mbart një rendësi të veçantë.
Gjykata Kushtetuese njoftoi në mesin e muajit dhjetor të vitit të kaluar se kishte pezulluar përkohësisht ratifikimin e një marrëveshjeje për emigrantët mes Shqipërisë dhe Italisë.
Ky vendim vjen pasi 30 deputetë të opozitës dorëzuan në Gjykatë Kushtetuese një kërkesë për shqyrtimin e kushtetuetshmërisë së marrëveshjes dhe pezullimin e procedurave te ratifikimit të saj derisa gjykata të merrte vendim përfundimtar.
Gjykata njoftoi gjithashtu se shqyrtimi i kërkesës së opozitës do të nisë më 18 janar 2024.
Më 6 nëntor, kryeministri i Shqipërisë, Edi Rama, dhe kryeministrja italiane, Giorgia Meloni, e nënshkruan marrëveshjen sipas së cilës Italia do t’i dërgojë në Shqipëri emigrantët që i kap dhe i shpëton në Detin Mesdhe, duke filluar nga pranvera e vitit të ardhshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.