Nga Gazeta 'Si'- Gazment Bardhi, kryetari i grupit Parlamentar të PD-së, foli në Kuvendin e Kosovës, aty ku u zhvillua një takim i përbashkët me Kuvendin e Shqipërisë.
Ai theksoi se tradita shqiptare kërkon që vëllain ta këshillosh në shtëpi, sepse po e bërë në publik e ke lënduar dhe dobësuar dhe kjo sipas Bardhit, është thikë pas shpine.
"Mund të flisja gjatë për atë se çfarë ka ndodhur në Shqipëri gjatë 10 viteve të fundit, por ky nuk është as vendi dhe as rasti.
Ne kemi një traditë që vëllaut nuk ia them as kritikën e as këshillën në publik, por ia themi kur jemi vetëm e me zë të ulët që mos të dëgjohet jashtë. Sepse kur kritika a këshilla i thuhet vëllait publikisht, kjo e lëndon atë, ia dobëson pozitën në arenën ndërkombëtare dhe është thikë pas shpine vëllaut tonë, Kosovës.
Tradita e shqiptarit e do që në shtëpinë e vëllait, motrës, mikut, ku ne jemi sot të gjithë të sillesh me nderim e respekt e mos ta përdorësh për të larë hesapet me të ftuarit e tjerë. Unë nuk kam dëshirë ta prish këtë traditë fisnike të popullit tonë, edhe pse një prej parafolësve të mi u përpoq ta transferonte debatin tonë të brendshëm politik në këtë sallë të nderuar", u shpreh Gazment Bardhi në Kuvendin e Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
