Gazeta Si – Më në fund, Robert Levandovski kaloi te Barcelona pas shumë vitesh te Bajerni. Por fanella e tij mbetet ‘e bllokuar’ për momentin.
Dyqanet e klubit katalanas nuk mund të shesin fanella me emrin e sulmuesit polak, sepse mungon shkronja ‘w’.
Blerja e Levandovskit i ka lumturuar fansat katalanas. Barcelona ka afruar një sulmues kalibri, pas ikjes së Mesit, ndaj dhe ata e kanë pritur më shumë entuziazëm lëvizjen e fundit.
Mbërritja e ‘bomberit’ polak ishte e pritshme dhe fanellat me emrin e tij dihej që do të shiteshin shpejt. Por këtu ka një problem dhe nuk ka të bëjë me kërkesat e fanellës zyrtare, por me kompozimin e emrit.
Siç duket nga kjo video, një punonjës i dyqaneve të shitjeve në ‘Camp Nou’ thotë se nuk mund të shiten fanella të Levandovskit për shkak të mungesës së shkronjës ‘w’. Sulmuesi i sapo ardhur te Barcelona e ka dy herë këtë shkronjë në mbiemrin e tij dhe ka vënë në siklet punonjësit e dyqaneve të klubit katalanas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
