Gazeta Si – Duhet edhe një javë, por numërimi mbrapsht ka nisur. Polemikat janë lënë pas krahëve, Barcelona thërret në ndihmë gjithë popullin katalanas për ndeshjen e kthimit me Interin nv Champions.
“Të mërkurën e ardhshme, – shkruhet në mesazhin e klubit në Tuiter, të shoqëruar me një foto të ‘Camp Nou’ të mbushur plot, – ju do të jeni lojtari i 12-të”.
Next Wednesday you will be the 12th man. pic.twitter.com/7JMer8aw0h
— FC Barcelona (@FCBarcelona) October 5, 2022
Sfida e mesjavës së ardhshme do të jetë një nga tri finalet për të arritur objektivin e kalimit në 1/8-at e Ligës së Kampionëve, për të cilin Ksavi foli i indinjuar pas vërshëllimës përfundimtare në ‘San Siro’. E para, por potencialisht edhe e fundit, sepse nëse fiton Interi, llogaritë mbyllen.
Edhe barazimi do të ishte rezultat negativ për djemtë e Ksavit, sepse Interit do t’i mjaftonte të fitonte ndaj Plzen në ndeshjen tjetër për kalimin e grupit. Pra, për Barcelonën bën punë vetëm fitorja për të mos dështuar në Champions.
Për këtë arsye vjen edhe ky apel për tifozërinë, për ta transformuar ‘Camp Nou’-n në një ‘vullkan’. Hera e fundit që e ka bërë një gjë të tillë ishte pikërisht ndaj Interit, por përfundimi nuk ishte ai i duhuri. Ishin kohërat e “remuntada”-s së dështuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
