Gazeta Si – Lëvizje të rëndësishme te Barcelona. Klubi katalanas ka mbyllur gjithçka për transferimin e brazilianit Rafinja, i cili ka kaluar edhe vizitat mjekësore tashmë. Ksavi po e kërkonte me ngulm yllin brazilian të Lidsit.
Barcelona ka fituar konkurrencën me Çelsin për sulmuesin anësor. Lidsi përfiton 58 milionë euro nga shitja e brazilianit, plus 7 milionë të tjerë bonuse. Rafinja është një goditje e rëndësishme për katalanasit.
📍 Barcelona
— FC Barcelona (@FCBarcelona_es) July 13, 2022
👀 ¡Mirad quién ha llegado! pic.twitter.com/Y4ERUf2p46
Në të njëjtën kohë, sipas ‘Mundo Deportivo’, ka ardhur edhe rinovimi i Dembele. Francezi do ta firmosë edhe për dy vjet të tjera me Barcelonën, por me një reduktim page në masën 40%. Gjithsesi, bonuset në bazë të paraqitjes mund ta rritin pagën e tij.
Një tjetër lajm i mirë për Ksavin është se mesfushori holandez, Frenki De Jong, ka bërë të ditur me anë të agjentit të tij se nuk dëshiron të largohet.
Barcelona po forcohet ndjeshëm, ndërsa vazhdon të insistojë për sulmuesin Robert Levandovski. Për polakun klubi spanjoll ofron 50 milionë euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
