Gazeta Si – Klubi katalanas ka njoftuar një blerje të re, që në fakt është për skuadrën B të Barcelonës, por ajo që tërheq vëmendjen është shifra e klauzolës në kontratën e këtij futbollisti.
Bëhet fjalë për sulmuesin argjentinas Lukas Roman, 18 vjeç, i cili vjen nga Ferro Karril Oeste. Ai ka firmosur një kontratë me katalanasit deri më 30 qershor 2026. Kjo do të thotë se drejtuesit e klubit e vlerësojnë shumë këtë futbollist dhe kanë fiksuar një klauzolë prej 400 milionë eurosh për prishjen e parakohshme të kontratës.
Klubi i madh spanjoll beson shumë te të rinjtë dhe shpesh ofron lojtarë të perspektivës, jo vetëm ata që dalin nga akademia blaugrana. Shembulli më i mirë janë Pedri dhe Gavi, të cilët aktualisht janë bërë pjesë e rëndësishme e formacionit të trajnerit Ksavi Hernandez.
Në anën tjetër, sulmuesi holandez Memfis Depai është shumë afër kalimit tek Atletiko Madrid, pasi nuk bën pjesë në projektin e trajnerit, edhe pse ai e ka quajtur një lojtar të rëndësishëm për Barcelonën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
