Gazeta Si – Barcelona ka në duar N’Golo Kante, mesfushorin francez që duhet të mbërrijë në Katalonjë verën e ardhshme me parametra zero. Para se të firmosë, futbollisti kampion bote duhet të kalojë një sërë vizitash mjekësore, që do të vërtetojnë gjendjen e tij fiziko-atletike pas dëmtimit që ai kaloi.
Kujtojmë që Kante dëmtoi tendinën e gjurit, që e la jashtë Botërorit të Katarit, ndërsa gjysma e parë e sezonit me Çelsin nuk ka qenë ajo më e mira për të. Mesfushori duhet të kthehet në shkurt dhe në atë moment, sipas ‘Sport’, do të konfirmohet ose jo kalimi i tij te Barcelona.
Katalanasit po kërkojnë lojtarë ekspertë që të kthehen në nivelin më të lartë. Verën e kaluar me Barcelonën u bashkua Frenk Kesi, por lojtari nga Bregu i Fildishtë nuk ka pasur impaktin që pritej me skuadrën e Ksavit. Po ashtu, edhe Frenki de Jong është përfolur shumë për një kalim të mundshëm në Premier Ligë.
Kante do të ishte një përforcim me vlera për Barcelonën, gjithmonë nëse lojtari është në formën optimal fizike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
