Banka Qendrore Europiane ka ulur përsëri normën e interesit duke e çuar në 3%, parashikoi se rritja ekonomike do të jetë më e dobët nga se pritej. Kjo është hera e katërt që BQE ul normën për këtë vit.
Banka ka hequr dorë nga qëndrimi i saj se “politika monetare do të qëndrojë e rreptë”. Ekonomisti i bankës gjermanë Mark Wall njoftoi se “dera është e hapur dhe për reduktime të tjera”.
Ndërsa inflacioni i afrohet objektivit prej 2% të BQE-së, ka më shumë fokus në rritjen e dobët të vazhdueshme të Eurozonës. Blloku pritet të rritet me 0.8% këtë vit dhe 1.3% vitin e ardhshëm, sipas parashikimeve të komisionit ekzekutiv të BE.
Pas uljes së shumëpritur, të gjithë sytë janë drejtuar te konferenca për shtyp e Presidentes së BQE-së Christine Lagarde, pasi rreziqe të reja janë shfaqur që nga takimi i fundit i bankës më 17 tetor, duke përfshirë trazirat politike në dy ekonomitë më të forta të Eurozonës dhe rezultatet e zgjedhjeve në SHBA.
Investitorët po shohin shenja se çfarë norme po synon BQE dhe gjithashtu se çfarë norme inflacioni dhe parashikimesh ekonomike po bën banka qendrore për të formësuar politikën e saj monetare në vitin 2025
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
