Banka në Gjermani i ngrin llogaritë ish-kancelarit Schröder, nuk ka parà nga Rusia

Gazeta Si – Gerhard Schröder është shumë i lidhur me qytetin e Hanoverit, ku u kthye për të jetuar pasi u tërhoq nga detyra e tij si kancelar i Gjermanisë dhe si miliona gjermanë, ai ia beson llogaritë e tij në “Sparkasse”, banka lokale e kursimeve.

Veç se banka, klient i së cilës ai është prej 30 vitesh, i ka bllokuar llogarinë për një vit. Ose më mirë, siç shkruan “Bild”, ka ndaluar të gjitha pagesat që vijnë nga Rusia.

Dhe kështu, 200 mijë euro rroga si president i kompanisë “Nordstream 2” – gazsjellësi i sabotuar nga ukrainasit, i cili nuk hyri kurrë në punë – që  mbërrinte çdo 6 muaj nga “Gazprombank” në Luksemburg, nga viti 2024, do të kthehen në të njëjtin IBAN.

“Nuk mund t’i pranojmë”, – njoftoi “Sparkasse” ish-kancelarin. Të paktën dy pagesa u refuzuan, duke e bërë Schröder-in 400 mijë euro më të varfër.

Asnjë konfirmim nga banka, por jozyrtarisht ka dalë se institucioni ka frikë se do të përfundojë nën sanksionet e SHBA-ve dhe për këtë arsye refuzon këto lëvizje.

Megjithatë, ka një problem me këtë rast: Schröder nuk është nën sanksione dhe të paktën derisa nuk është, ai nuk do të komprometojë bankën.

A ka ndonjë shpjegim tjetër të besueshëm? Ndoshta duhet kërkuar në ndjenjat që shfaq figura e tij, ose më mirë besnikëria e tij e papenduar ndaj Vladimir Putinit.

Një besnikëri që i reziston çdo gjëje, edhe pse Gjermania ia ka hequr gradualisht shoferët, zyrën federale, ftesat zyrtare, madje edhe teserën e tifozit numër 1 të Borussia Dortmundit.

Hanoveri donte t’i hiqte shtetësinë e nderit, por ai ishte më i shpejtë dhe ia ktheu. Dhe ndoshta vetë kryebashkiaku, Green Belit Onay, ka një rol në aferën e ngrirë të llogarive.

Meqenëse është një provincë në çdo gjerësi gjeografike, veçanërisht në Saksoninë e Ulët, tokën e Volksëagen-it dhe bashkëvendosjes, kryetari i bashkisë është edhe kreu i bordit të drejtorëve të “Spaarkasse”. Rastësisht, llogaritë e Shroderit u ngrinë vetëm disa javë pasi ai mori detyrën.

Jo se çështja Gazprom nuk rëndon mbi ish-Kancelarin. Në janar ai u shtrua në spital për probleme shëndetësore në moshën 81-vjeçare. Por rastësisht, shtrimi në spital përkoi me thirrjen përpara komisionit hetimor në “Nordstream 2”.

Schröder, megjithatë, pati mundësinë të dërgonte një letër, ku thotë se ideja e “urës së gazit” me Rusinë sigurisht nuk është e tij, por e mbështetur nga çdo kancelar gjerman, që nga Helmut Schmidt dhe se ajo mbetet një gjë e mirë.

“Ka qenë gjithmonë racionale dhe e dobishme për Gjermaninë. Dhe këto vendime nuk u ndikuan nga lufta e tmerrshme në Ukrainë”. Shumë krenar, por tepër i kundërt për të pranuar se kishte gabuar.