.png)
Nga Gazeta ‘SI’ – Banka e Shqipërisë ka shtuar mbrojtjen për sistemin bankar lidhur me rritjen e kreditimit.
Sipas vendimit të publikuar të Bankës, shtesa kundërciklike e kapitalit, KUNC, rritet në 0.5% nga 0.25% që ishte. Kjo është rritja e dytë e kësaj norme në 6 muaj, pas aktivizimit në korrik 2024.
Sipas definicionit të vetë Bankës, KUNC aktivizohet gjatë periudhave të rritjes së rrezikut sistemik, në këtë rast kreditimi i lartë, matur në raport me PBB-në.
Atëherë, Banka argumentonte se ky tregues është negativ, por madhësia e vlerës negative është zvogëluar. Hendeku i raportit të kredisë ndaj Prodhimit të Brendshëm Bruto (PBB) ishte -7.2 pikë përqindje, nga -7.84 pikë përqindje që kishte qenë në tremujorin e mëparshëm. BSH pati lajmëruar për rritjen e dytë të KUNC.
Më herët, banka qendrore i bëri thirrje bankave tregtare në vend të moderojnë rritjen e kredisë, pasi mund të sjellë rreziqe për sistemin dhe konsumatorët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
