.png)
Gazeta Si – Drejtuesja e qarkut të Fierit e Partisë Socialiste, Belinda Balluku, thotë se socialistët do të marrin në këtë qark 10-11 mandate deputetësh.
Në çeljen e fushatës së PS për zgjedhjet parlamentare të 11 Majit, zv/Kryeministrja theksoi se objektivi i PS në qarkun e Fierit është 10 mandate, por prej tyre, siç tha ajo, priten 11 mandate deputetësh.
“Po kërkojmë një mandat të 4. Ndoshta duket si shumë, për ata që hedhin çdo ditë baltë mbi ne, por ky është mandati i shqiptarëve që do përmbushë marrëveshjen që Edi Rama ka nënshkruar me popullin shqiptar në 2013, për ta çuar Shqipërinë në Europë, për t’i bërë shqiptarët anëtarë të BE ashtu siç i takon. Është koha që ata t’i bashkohen asaj tryeze. Qarku i Fierit ka një objektiv, 10 mandate deputetësh për t’i ulur në sallën e Parlamentit shqiptar. Siç më tha shoku Gramoz sot në mëngjes, priten 11 mandate nga ne”, u shpreh Belinda Balluku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
