Gazeta Si – Ballkani kryen detyrën, fiton 1-3 ndeshjen e dytë ndaj Linkoln Red dhe kualifikohet për në fazën e ‘Play-off’-it të Ligës së Konferencës me rezultatin e përgjithshëm 5-1. Tashmë ka vetëm një pengesë, që ndan kampionët e Kosovës nga pjesëmarrja e dytë radhazi në grupet e këtij kompeticioni.
Korenica dhe kapiteni Kuç shënuan golat e fitores në ndeshjen e sotme në Gjibraltar. Më pas vendësit shkurtuan rezultatin në 1-2 dhe në kohën shtesë Zyba ‘vulosi’ fitoren e suharekasve me golin e 3-të. Skuadra e trajnerit Ilir Daja e menaxhoi mirë lojën dhe nuk e vuri në asnjë moment në diskutim kualifikimin.
Tani vjen edhe pjesa më e rëndësishme dhe më e vështirë për Ballkanin, që do të ndeshet në ‘Play-off’ me humbësin e çiftit Sherif Tiraspol-Bate Borisov. Kosovarët kanë shanse reale për të shkruar sërish historinë, edhe pse kanë shitur sulmuesin kryesor Albion Rrahmani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
