Gazeta Si – Ballkani i Ilir Dajës ka bërë detyrën në Ligën e Konferencës. Me 10 gola të shënuar në total në dy ndeshjet ndaj La Fioritës së San Marinos dhe asnjë të pësuar, kampionët e Kosovës kanë kaluar në raundin e tretë.
Pas fitores 0-4 në ndeshjen e parë, Ballkani fitoi edhe në stadiumin “Fadil Vokrri” me rezultatin e thellë, 6-0. Rezultati flet qartë për dominimin e ekipit vendës.
Sulmuesi 21-vjeçar, Albion Rrahmani, shkëlqeu me 3 gola, 2 gola mbajnë firmën e Leonit Abazit, ndërsa goli tjetër u shënua nga Ermal Krasniqi. La Fiorita luajti me një lojtar më pak për më shumë se gjysmë ore.
Në raundin e tretë të Ligës së Konferencës skuadra e trajnerit Daja do të ndeshet me fituesin e çiftit Sutjeska (Maliqi i Zi)-Klaksvik (Ishujt Faroe). Ndeshja e parë mes këtyre dy skuadrave ka përfunduar 0-0.
Ballkani u eliminua në Ligën e Kampionëve që në raundin e parë dhe më pas kaloi në Ligën e Konferencës, ku shpreson të ecë sa më shumë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
