.png)
Nga Gazeta Si - Ministri i Brendshëm Taulant Balla e quajti të papranueshme faktin se Sali Berisha komunikon nga dritarja me mbështetësit e tij në një kohë kur i ndalohet me vendim të GJKKO-së
“Kam dëgjuar shumë interpretime nga mediat për mënyrën e zbatimit të arrestit në shtëpi. Kodi i Procedurës Penale thotë se ke të gjitha ndalimet që ke gjatë arrestit me burg. Nuk e kam shkruar unë as zotëria por e kam votuar dhe unë dhe zotëria. Këtu është ndarja e dy botëve. Nuk dua të hyj asnjë koment. Nuk kam pasur asnjë kontakt me policinë e shtetit që shtetasi në fjalë të trajtohet një lloj si shtetasit e tjerë. Është e papranueshme por megjithatë i takon institucioneve të tjera të komentojnë"
Balla, rastin e privatizimit të kompleksit Partizani të cilin e ka denoncuar vetë kur ishte deputet, e quajti korrupsion i pastër rast tipik si në librat e kriminalistikës
“Pavarësisht se në rastin e personi që flisni është një kallëzim i bërë nga ana ime në cilësinë e deputetit apo të një qytetari të njohur me një element të veprës penale. E kam ndjekur prej shumë vitesh, që kur gatuhej ajo formë privatizimi dhe të gjitha veprat penale që pasuan. Vazhdoj të jem i bindur që rasti i privatizimit të kompleksit Partizani është rast tipik si në librat e kriminalistikës. Nuk dua të hyj në asnjë lloj komenti.
Sot në Shqipëri janë dy botë, PS që nuk bën asnjë koment për asnjë akuzë që ngrihet ndaj njërit prej nesh. Keni dëgjuar ndonjë nga përfaqësues të PS të komentojë vendimet e prokurorisë e gjykatës? Kemi rastin tjetër dhe e kuptoni qartë që është një korrupsion i pastër. Një funksionar publik përdor firmën, pozicionin dhe funksionarët e tij brenda ndërtesës për përfitime të paligjshme apo lehtësim procedure. Këtu është korrupsion se janë krijuar miliona pasuri”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
