.png)
Barazim i bardhë në “Arenën Kombëtare” mes Shqipërisë dhe Serbisë në Tiranë. Kuqezinjtë arritën në kuotën e 4 pikëve pas 3 ndeshjeve (1F 1B 1H). Ndërsa miqtë morën pikën e parê në këto eleminatore. Manaj në fundin e pjesës së parë dhe Bajrami në pjesën e dytë (pas veprimit të Dakut në qendër) falën Serbinë me gabime foshnjarake përballë portierit Petrovic. Manaj humbi penalltinë e 3 në karrierë (të gjitha në minutën e fundit të ndeshjes ose tërë takimit). Dy të parat me Pisa’n në Serie B dhe Spezia’n në Serie A. Ndërsa Bajrami pas topit të marrë nga Daku (të dy u futën nga stoli) e dorëzoi topin te portieri mik në një 11 metërsh në lëvizje.
Pjesa e dytë filloi me kalimin e Brojës nga e djathta por pasi i tij nga shtylla e parë nuk u ndoq nga askush. Sa i përket Serbisë, ajo pati rastet më të mira me Samardzic dhe Terzic. Nëse diagonalja e të parit përfundoi pranë shtyllës së majtë. Gjuajtja e të dytit nga ajri u ndal prej Strakoshës pas duelit të humbur nga Gjimshiti. Mitrovic në vazhdim provoi edhe ai nga ajri, por konkluzioni i tij nuk e shqetësoi Strakoshën. Minutat kalonin dhe rastet u shndërruan në sporadike dhe serbët duket se u kënaqën me pikën e Tiranës. Kjo pasi të paktën në letër tani janë më të favorizuar për vendin e dytë. Ndërsa Shqipëria do të duhet të marrë revanshin në transfertën serbe për të rijetësuar shpresat për një kualifikim të mundshëm në Playoff.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
