Gazeta Si – Presidenti i Bajernit të Mynihut, Herbert Hainer, pas titullit kampion të radhës dhe furtunës së një dite më parë, me largimet e Oliver Kahn dhe Hasan Salihamixhiç, ka konfirmuar në stol trajnerin Tomas Tuhel.
“Nuk shoh ndonjë arsye pse ai të mos vazhdojë të jetë trajneri ynë, – ka thënë Hainer pas epilogut të pabesueshëm të Bundesligës me triumfin e Bajernit. – Jemi të sigurt se Tuhel është një nga trajnerët më të mirë në Europë”.
Tani pritet tqë bavarezët të kompletojnë kupolën drejtuese, vendet e lëna bosh nga Salihamixhiç dhe Kahn. Pavarësisht fitimit të titullit kampion në Gjermani, ky sezon nuk ishte shumë i mirë për Bajernin, që rrezikoi shumë në Bundesligë dhe u eliminua shpejt nga Liga e Kampionëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
