Edhe Bajerni i Mynihut kthehet në një vatër Covid-i. Davis, i cili dje është stërvitur normalisht me skuadrën, në mbrëmje ka rezultuar pozitiv ndaj Koronavirusit dhe menjëherë është izoluar.
Bëhen kështu 9 futbollistët e Bajernit që janë pozitivë dhe me shumë mundësi e gjithë skuadra duhet të izolohet. Federata Gjermane e Futbollit është në pritje të vendimit të autoriteteve shëndetësore bavareze në lidhje me shtyrjen e ndeshjes së nesërme ndaj Borusia Mënshëgladbahut, apo jo.
Situata në Gjermani është rënduar së fundi nga përhapja e shpejtë e variantit Omicron dhe pak kohë më parë është vendosur që stadiumet të mbyllin sërish dyert për tifozët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
