.png)
Që nga shfaqja e tij në fund të vitit 2021, Omicron (ose BA.1) është bërë shpejt varianti dominues i virusit Covid-19. Por tashmë shkencëtarët tani po gjurmojnë një nëngrup të variantit Omicron, i njohur si BA.2, i cili u identifikua për herë të parë në Indi dhe Afrikën e Jugut në fund të dhjetorit 2021. Organizata Botërore e Shëndetësisë ka deklaruar se nën varianti mendohet të ketë 20 mutacione shtesë në proteinën e tij në krahasim me BA.1 dhe kjo e bën më të transmetueshëm. Arsyeja pse disa shkencëtarë i referohen BA.2 si variant “i fshehtë” është sepse ata pretendojnë se nuk është aq e lehtë për t’u zbuluar as nga testet PCR dhe ato të shpejta.
Ekspertët kanë deklaruar se ashtu si varianti Delta, nën varianti BA.2 ka të pranishëm gjenin S që e bën më të vështirë dallimin dhe identifikimin e virusit në trup. Ky variant është bërë dominant në Danimarkë. Shpejtësia me të cilën rastet janë rritur atje dhe në vende të tjera si Mbretëria e Bashkuar tregon se BA.2 mund të jetë më i transmetueshëm dhe më i aftë për të konkurruar variantin BA.1.
Ekspertët e OBSH kanë deklaruar se rritja e transmetimit ka të ngjarë të zgjasë valën e Omicron në disa vende dhe vaksinimi me tre doza ka efikasitet të lartë në mbrojtjen e infeksionit simptomatik.
Sipas tyre BA.2 nuk duket se shkakton sëmundje më të rëndë, kështu që nuk ka arsye për panik.
“Është e rëndësishme të theksohet se nuk është e pazakontë të kesh nëngrupe të të njëjtit variant – kjo është natyra e një virusi që është në gjendje të ndryshojë. Vaksinat ende ofrojnë mbrojtje kundër sëmundjeve të rënda dhe gjithashtu mbrojtje kundër transmetimit”, shtojnë ekspertët.
Në bazën e të dhënave publike të gjurmimit të viruseve GISAID që nga 25 janari në të gjithë botën BA.1 përbënte 98,8% të rasteve të paraqitura Por sipas OBSH BA.1 dhe BA.2 janë renditur dhe dy nën variante të tjera shqetësimi të cilat vijnë nga Omicron, si BA.1.1.529 dhe BA.3.
Burimi:The Independent/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
