Hapen dyert e “Australian Open” për Novak Gjokoviç me shokë. Numri 1 në botë mund të mbrojë titullin, pasi, sipas “New York Times”, në këtë turne do të pranohen edhe tenistët e pavaksinuar. Kush është pa “green pass”, duhet të bëjë një karantinë prej dy javësh në hotel, për të tjerët ka liri të plotë lëvizjeje.
Prestigjiozja amerikane i referohet një e-mail-i të WTA-së (Federata ndërkombëtare e tenisit të femrave) për këtë çështje, ndërsa një funksionar i qeverisë insiston në faktin se nuk ka ende një zgjidhje zyrtare të problemit. Rregullat do të aplikohen me shumë mundësi edhe në turneun e meshkujve, duke i dhënë mundësinë e pjesëmarrjes edhe Novak Gjokoviçit, i cili kurrë nuk ka dashur të bëjë të ditur, nëse është i vaksinuar apo jo.
🐨Update on #AusOpen🐨
— Ben Rothenberg (@BenRothenberg) October 24, 2021
Per email sent to WTA players just now, Tennis Australia has told WTA PC that fully vaccinated players won’t be required to quarantine or bubble at all.
Unvaccinated players will be allowed to enter, TA tells WTA, but must do 14 days of hotel quarantine. pic.twitter.com/cu4NV8abYB
Në të kaluarën shpesh serbi është shprehur kundër vaksinimit të detyrueshëm. Në janar ai mund të mbrojë titullin në “Melbourne Park”. E-maili i dërguar nga WTA-ja për lojtaret e tenisit ka shkuar në duart e telekronistit të tenisit të “New York Times”, Ben Rothenberg, i cili e ka postuar në Tuiter.
Ky e-mail kundërshton deklaratat e fundit të autoriteteve, sipas të cilave, lojtaret e pavaksinuara nuk do të lejoheshin të merrnin pjesë. Në këtë e-mail sqarohet se tenistet komplet të vaksinuara do të kenë liri të plotë, kurse të pavaksinuarat mund të marrin pjesë në turne, por pasi të kenë bërë një karantinë dyjavore në një hotel dhe t’u nënshtrohen testeve të rregullta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
