.png)
Nga Gazeta ‘Si’- Katër policë janë arrestuar nga Autoriteti i Mbikqyrjes Policore në lidhje me atentatin me 4 të vrarë të ndodhur më 30 tetor 2024 në lagjen Dobraç që tronditi qytetin e Shkodrës.
Të arrestuarit janë Blerim Kurmekaj, Viktor Logu, Julian Sterkaj, dhe Marte Martini.Arrestimi i efektivëve të repartit "Shqiponja" ka ndodhur në orët e para të mëngjesit.
Autoriteti i Mbikqyrjes Policore (AMP) thotë se policët nuk shoqëruan dhe nuk identifikuan personat e gjetur në vendngjarje.
Në makinën në të cilën udhëtonin viktimat Hamza Lici dhe Arlind Bushati ka qenë dhe një person i tretë, i cili dyshohet se ka qenë Ibrahim Lici që pasi i dha ndihmën viktimave, u largua kur mbërriti ambulanca.
Në lidhje me ngjarjen e rëndë janë shoqëruar dhjetëra persona por ende policia e Shkodrës nuk ka arritur të identifikojë autorët e kësaj ngjarje të rëndë e cila tronditi opinionin publik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
