Gazeta Si – Identifikohet autori që qëlloi me armë zjarri në drejtim të automjetit me të cilin lëvizte 42-vjeçari Rudolf Zefi, bashkë me të vëllanë e tij në zonën e “Don Boskos” në Tiranë një ditë më parë.
Sipas Policisë së Tiranës, autori i dyshuar i ngjarjes është 32-vjeçari Andrea Bregasi, banues në Tiranë. Ndërkohë policia fton qytetarët që të bashkëpunojnë dhe të japin informacion, ndërsa ka vendosur shpërblim 5 mijë euro për çdo informacion të vlefshëm.
LEXO EDHE:
Video / Tiranë, 42-vjeçari qëllohet me armë zjarri në makinë. Zbulohet autori i dyshuar
Për arsye që ende nuk dihen, Bregasi, i cili lëvizte në këmbë i vetëm, ka qëlluar disa herë me armë zjarri pistoletë në drejtim të automjetit “Benz”, me drejtues shtetasin R. Z., dhe pasagjerë vëllezërit Zefi.
Fatmirësisht nga të shtënat nuk pati të lënduar. Zefi i tha policisë që nuk ka konflikte me asnjë person, teksa motivet e ngjarjes ende nuk dihen.
“DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorit. Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi”, – njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
