Gazeta Si – Një i ri ka mbetur i plagosur me armë zjarri mbrëmjen e të shtunës pas një atentati në Vlorë. Ngjarja ka ndodhur pranë stadiumit “Flamurtari” në zonën e Skelës dhe i plagosur ka mbetur Romeo Meçaj, 33 vjeç, banues në lagjen “Pavarësia”, i cili ndodhet nën kujdesin e mjekëve.
Ai do të niset nga Vlora drejt Spitalit të Traumës në Tiranë, pasi ka plagë të rënda në këmbë dhe kraharor. 33-vjeçari udhëtonte me makinën e tij “Land Rover” kur u qëllua me breshëri kallashnikovi, ndërsa pas të shtënave mjeti ka ecur në gjendje të lirë për disa metra.
Pas atentatit, policia ka gjetur në zonën e quajtur “7 pallatet”, në afërsi të Ujit të Ftohtë, një automjet të djegur, brenda të cilit janë konstatuar dy armë zjarri kallashnikov të djegura. Në vendin e ngjarjes kanë shkuar forca të shumta policie.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
