Lazio ka shpërdoruar një mundësi të artë për të ruajtur distancat me Juventus-in kryesues në kampionat. Skuadra e Gjimshitit ka mundur sot me përmbysje 3-2 Lacion e Strakoshës, me këtë të fundit që ishte në një ditë për tu harruar.
Lacialët kaluan në avantazh 0-2, falë autogolit të De Ron dhe golit të Milinkovic-Saviç. Ndërkohë në minutën e 38 ishte Gonsens që shkurtoi diferencat, përpara se të vinte përmbysja e madhe. Gjimshiti iu afrua rrjetës, duke u përpjekur të mposhtë Strakoshën. Por skuadra e Gasperini-t nuk u dorëzua dhe ka barazuar takimin në të 66-ën me një predhë të Malinovskit, i cili gjuaji nga jashtë zonës duke tundur rrjetën e shqiptarit.
Kur mendohej se ndeshja do të mbyllej barazim, në minutën e 80, Strakosha gabon plotësisht në dalje, duke e lënë portën e boshatisur dhe Palomino nuk do ta kishte të vështirë që të gjente golin e fitores. Me këtë rezultat Atalanta “blindon” vendin e katërt, ndërkohë Lazio i largohet Juventusit në krye të tabelës, që tashmë është i shkëputur me 4 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
