Gazeta Si – E premtja ishte një ditë e rëndësishme për merkaton e Interit. Në selinë e klubit zikaltër zhvilluan një takim edhe agjentët e mesfushorit shqiptar, Kristjan Asllani, duke mbyllur edhe detajet e fundit të marrëveshjes.
Pas takimit, njëri prej agjentëve, Elio Berti, u shpreh: “Jemi informuar se Empoli dhe Interi kanë arritur një akord total. Ka disponibilitet nga të gjitha palët për këtë marrëveshje.
Ditët e ardhshme do të shohim, jemi të gjithë të kënaqur. Skuadrat e tjera? Ku ka më mirë se Interi?”
Sipas marrëveshjes, Interi do të paguajë 14 milionë euro tek Empoli dhe do të hauzojë Martin Satrianon. Mesfushori 20-vjeçar, Kristjan Asllani, tashmë pret vetëm zyrtarizimin si lojtari më i ri i Interit.
Një hap i rëndësishmëm ky për lojtarin e Kombëtares në një moshë kaq të re. Vlerësimi për të është maksimal nga të gjithë, ndërsa Shqipëria ka tashmë një tjetër yll në gjirin e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
