Gazeta Si – Të luash për herë të parë në ‘Camp Nou’ është sigurisht diçka shumë e bukur, por për një lojtar shumë të ri si Kristjan Asllani do të thotë përgjegjësi shumë e madhe.
Të kontrollosh emocionet nuk është e lehtë dhe gabimet mund të ndodhin. Siç i ndodhi mesfushorit kuqezi, që kishte në këmbët e tij golin e fitores për Interin, por nuk ia doli të finalizonte saktë dhe as të pasonte për shokun e zbuluar.
Lojtari i datëlindjes 2002 mund t’i dhuronte fitoren ekipit të tij, ndaj dhe pas vërshëllimës përfundimtare nuk i përmbajti dot lotët. Shokët e skuadrës vrapuan menjëherë ta përqafonin. Sepse kjo do të thotë të jesh skuadër.
Asllani mbrëmë me siguri nuk ka vënë gjumë në sy, por atë e ngushëllon fakti që Interi mori rezultat pozitiv dhe tashmë e ka vetë në dorë fatin për kualifikimin në 1/8-at e Championsit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
