Gazeta Si – Asllani dhe Dimarko ishin ndër vetmet gjëra pozitive për Interin në ndeshjen me Romën, ku skuadra zikaltër humbi 1-2. Mesfushori shqiptar luajti ndeshjen e parë si titullar dhe bëri një paraqitje pozitive, sipas shtypit italian dhe specialistëve.
Asllani pritet të ketë një fanellë titullari edhe në Ligën e Kampionëve ndaj Barcelonës. Lojtari i Kombëtares shqiptare është në formë të mirë dhe të martën në mbrëmje do të ketë fatin të luajë në skenën më të madhe të futbollit europian ndaj një emri të madh si Barcelona.
Trajneri Simone Inzagi e ka llogaritur titullar, të paktën deri tani. Mesfushori 20-vjeçar do të pozicionohet në qendër, në mes të Barelës dhe Çalhanoglu. Duke luajtur sa më shumë, Asllani do të ketë mundësinë të rritet. Emocionet kanë ikur dhe tani lojtari kuqezi shpreson të bëhet faktor për skuadrën e tij.
Elbasanasi do të përpiqet ta shfrytëzojë në maksimum mungesën e Brozoviçit, duke lenë shenjën e tij me fanellën zikaltër. Në dyshim për ndeshjen e së martës është sulmuesi Lautaro Martinez, ndërsa në mbrojtje kthehet De Vrij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
