Lindja e fëmijëve në fund të gushtit është një fenomen i njohur mirë.
Gjatë pushimeve, ka më shumë gjasa që të pushoni afër zjarrit me partnerin tuaj sesa të dilni jashtë në të ftohtë. Kjo mund të nënkuptojë më shumë kohë për të mbetur shtatzënë.
Megjithatë, hulumtimet tregojnë se numri i madh i lindjeve në fund të gushtit nuk është për shkak se çiftet kryejnë më shumë marrëdhënie seksuale.
Në vend të kësaj, studimet kanë treguar se ka një komponent biologjik që ndikon në numrin e madh të ngjizjes së fëmijëve gjatë pushimeve të fund vitit.
Hulumtimet tregojnë se mund të jetë për shkak se sperma është më e shëndetshme në temperaturat më të ftohta.
Një studim në revistën Obstetrics & Gynecology tregoi se cilësia e spermës përmirësohet në dimër në krahasim me verën.
Studiuesit zbuluan se meshkujt me prodhim normal të spermës kishin spermën më të shëndetshme në dimër dhe në fillim të pranverës.
Spermatozoidet e prodhuara në dimër ishin më të shpejta se ato të pranverës. Sipas studimit, 5 për qind e spermatozoideve dimërore ishin më të shpejta se niveli bazë krahasuar me 3 për qind në pranverë.
“Bazuar në rezultatet tona, sperma “performon” më mirë në dimër”, shkruajnë studiuesit.
Për më tepër, një studim i vitit 2021 zbuloi se meshkujt kishin nivelet më të larta të testosteronit në vjeshtë dhe dimër, ndërsa më të ulëtat ishin në janar dhe maj.
Ekipi zbuloi se nivelet e testosteronit ndikoheshin nga temperatura dhe sasia e dritës.
Testosteroni ndikon në dëshirën seksuale dhe prodhimin e spermës, sipas klinikës Mayo.
Koha e vitit gjithashtu mund të ndikojë në shëndetin e foshnjës. Një studim i vitit 2013 zbuloi se foshnjat që u ngjizën në maj kishin 13 për qind më shumë gjasa të lindnin para kohe, mesatarisht një javë më herët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
