Gazeta Si – Ish-drejtori i një banke të nivelit të dytë në Devoll, është arrestuar sërish nga policia, pasi Gjykata e Apelit Korçë e ka dënuar me vendim përfundimtar.
Ervin Çokani, 45 vjeç, i liruar me kusht gjatë gjykimit në Shkallën e Parë, ishte arrestuar në prill të vitit 2015, pasi u kishte marrë dhjetëra klientëve shuma të mëdha monetare.
Ndërsa më datë 15 mars 2022, Apeli i Korçës la në fuqi dënimin e Shkallës së Parë që e dënon ish-drejtorin e bankës me 9 vite e 4 muaj burgim për veprën penale “Vjedhja e bankave dhe arkave të kursimit”, kryer më shumë se një herë, me pasoja të rënda.
Ervin Çokani, në postin e drejtorit të një banke të nivelit të dytë, kishte vjedhur shuma ta konsiderueshme parash nga llogaritë e 26 klientëve me një vlerë rreth 945 mijë euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
