Gazeta Si – Një punonjës i policisë në Divjakë është arrestuar, pasi teksa drejtonte motoçikletën është përplasur me një makinë dhe pas testit të alkoolit, ka rezultuar i dehur.
Sipas një njoftimit të AMP-së, arrestimi i 60-vjeçarit K.Ll., u krye, pasi rreth orës 11:30, në vendin e quajtur rrethrrotullimi i Plugut, në aksin rrugor Lushnjë-Divjakë, duke drejtuar në gjendje të dehur motoçikletën e tij është përplasur me automjetin “Mercedes Benz”, që drejtohej nga shtetasi K.D.
Punonjësi i policisë nuk ishte në shërbim në momentin e ngjarjes. Pas kryerjes së testit të alkoolit, rezultoi se punonjësi i policisë K.Ll., ishte në gjendje të dehur në masën 2.000 mg/l.
Polici, me detyrë oficer i patrullës së përgjithshme në Komisariatin e Policisë Divjakë, akuzohet si i dyshuar për kryerjen e veprës penale “Drejtim i automjeteve në mënyrë të parregullt”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
