Gazeta Si - Një 25-vjeçar nga Fushë Kosova është arrestuar në pikën kufitare të Morinës në hyrje të Kukësit, pasi rezultonte person i shpallur në kërkim ndërkombëtar nga Gjermania.
Në pranga ka rënë i riu me iniciale J.D., ndaj të cilit ka një masë sigurie "arrest në burg" nga Gjykata e Bambergut në Gjermani më datë 14 qershor 2022. Ai akuzohet për mashtrim të rëndë. 25-vjeçari u arrestua provizorisht me qëllim ekstradimin drejt Gjermanisë.
Interpol Tirana, në bashkëpunim me autoritetet gjermane, vijon procedurat për ekstradimin e këtij shtetasi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.