Gazeta Si – Arratia e 18-vjeçarit Horgito Peqinit, i akuzuar për vrasjen e Madrit Ulqinakut në ngjarjen e rëndë të regjistruar në Elbasan javën e kaluar ka zgjatur gjashtë ditë.
Ai është vënë në prangat e policisë këtë të hënë së bashku me Klodjan Sallufin, 33 vjeç, gjithashtu i dyshuar si i përfshirë në vrasjen e Ulqinakut.
Personi i tretë i dyshuar si i përfshirë në këtë ngjarje Ejden Dino u ndalua që në ditën e ngjarjes.
Ndërkohë policia gjeti këtë të martë armën e krimit tip pistoletë, me të cilën u krye vrasja.
Arma e zjarrit pistoletë me një krehër me 6 fishekë në të u gjet pas kërkimeve intensive nga ana e policisë në shtratin e lumit Shkumbin, informoi sot policia e këtij qyteti.
25-vjeçari Madrit Ulqinaku dyshohet se u qëllua me pistoletë në kokë nga Horgito Peqini pas një sherri banal. Ai gjeti vdekjen në vend, ndërsa policia tha se dy personat nuk njiheshin me njëri-tjetrin më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
