Arrestohet kreu i Njësisë Administrative Kallmet, Besnik Simoni.
Mësohet se atij i është komunikuar masa e arrestit në spitalin e Traumës, aty ku është shtruar që dje pasi u plagos me armë nga Altin Marku.
Policia ka njoftuar zyrtarisht se mes administratorit dhe autorit të ngjarjes, Altin Marku, ka pasur shkëmbim zjarri. Kjo pasi edhe Marku, i cili u arrestua pas disa orësh kërkimi, është i plagosur. Edhe ai është dërguar në spitalin e Traumës.
Mbi 2 të arrestuarit e kësaj ngjarjeje rëndojnë dy akuza, “vrasje me dashje e mbetur në tentativë” dhe armëmbajtje pa leje.
Policia thotë se deri më tani është sekuestruar 1 armë zjarri pistoletë, me një krehër me 6 fishekë, e cila dyshohet se është përdorur nga Marku si dhe dy automjete.
Ndërkohë vijon puna për gjetjen e armës tjetër pistoletë, të përdorur gjatë konfliktit.
Administratori Simoni ka marrë 3 plumba pistolete. Zyrtarisht policia ka thënë se ngjarja u regjistrua pas një sherri që dyshohet të ketë nisur në zyrën e Njësisë Administrative mes Simonit dhe Markut.
Ky i fundit dyshohet se pas konfliktit verbal, e ka ndaluar në rrugë zyrtarin dhe më pas e ka qëlluar atë disa herë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
