Gazeta Si – Një 54-vjeçar me iniciale I.M., është vënë në pranga në Tiranë, pasi dyshohet se ka mashtruar disa biznesmenë të ndryshëm.
Sipas policisë, i ndaluari paraqiste mandate, të dyshuara të falsifikuara, duke përvetësuar shuma të ndryshme parash.
“Si rezultat i operacionit ‘Mandati’, u bë arrestimi i shtetasit I.M., 54 vjeç, banues në Tiranë, i dënuar më parë për mashtrim. Ky shtetas, nëpërmjet mashtrimit, duke paraqitur dokumente (mandate) të dyshuara të falsifikuara, ka përvetësuar shuma të ndryshme parash, nga biznesmenë të ndryshëm”, njoftoi policia.
Në cilësinë e provave materiale janë sekuestruar disa mandate që 54-vjeçari i përdorte për skemën e mashtrimit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
